Ek dhalti howi shaam

February 27, 2015  |   Blog   |     |   Comments Off on Ek dhalti howi shaam

2015-02-27

Aaj Jumai ka din hai, is wakat shaam k 4:30 ho rahe hain. Soraj ahista aahista ghroob ho raha hai. Is soraj k doobne se aisa lagta hai jaise dil bhi doob jai ga. Roz shaam ko jb mei daftar mei hota hun or shaam ka ye samaa dekhta hoo to asia lagta hai k zindagi ki shaam bhi bus dhalne wali hai.

Aksar hi ye ahsaas hota hai k Allah ne mujhai sb kuch atta kr dya , insaan ki khuwahishe to kabhi bhi khatam nai hoti is lye mazeed to kisi dua k lye haath uthate howe bhi dr lagta hai. Najaane mei ne kb kb or kya kya Allah se manga or us ne mujhai foran ata kr dya. In sb namatoo ka mei kaise hisaab du ga?

Aaj saal 2015 hai, pichle do saal se mei ne is blog pe koi post nai ki. Zindagi ki masroofyat ne to namaaz parhne ka waqat cheen lya hai, Allah ki namatoon ka shukar adaa krnai ka wakat kaha se laoon, kaise laoon. Itna wakat nai hai k us ki namatoon ko gin sakoon, or baat kar raha hu shukar adaa krnai ki.

Sweden mei waise ye ek bohat khaas baat hai k jb 6 mah , musalsal andhera rehta hai to phr us k baad jb soraj nazar aata hai to dil bohat machalta hai. Ye sardio ka soraj , halki halki thand wo wakat yaad kra deti hai jb shaam ko hm log apne bachpan mei khela karte the.

Aaj apne ap ko is wakat , is shaam mei yoon computer k aage office mei dekh kr itna ajeeb lag raha hai. Yaad aa rhaa hai wo sb wakat jb mei shaam ko apne behan bhayoon k sath khel raha hota tha. Us wakat merai pass sirf mera bachpana tha, or mei sochta tha k bara ho kr ye karo ga wo kroo ga. Or aaj sb ho gya, laiken wakat sirf wo bachpan kaa yaad aa rhaa hai.

Mujhai wo shaamei bhi yaad hai jb university mei meri classes shaam ko hoti thi, sare class mates shaam ko class k bahir beth kr gapai marte the, mei bhi kabhi kabhi shareek ho jata tha laiken zada tr mein masroof hota tha. Magar jb jb bhi mei dostoon k sath bethak lagti thi ye shaam ka waqat , parindoo ka chahchahan, bachoon ka gali mei cricket khelna sb yaad aata hai.

Aisa lagta hai kal shaam ki baat hai. Us wakat mujhai ahsaas nai howa tha k ye wakat kitna keemti hai. Us waqat mujhai khoob paise chahye the, us wakat mujhai job chahye thi, us waqat mujhai business krna tha, us waqat mujhai achi gari chahye thi, us waqat mujhai shaadi krni thi.

Or aaj , aj jb merai pass ye sb hai to sirf wo waqat nai hai. Wohi shaam hai, pr gali mei kheltai bacho ki awaazoo ki jaga keyboard typing ki awaazain hain. Dil mei ajeeb sa dard hai, is baat ka ihsaas hai k jo chala gya wo chala gya, aab wo bachpan wo university wo sb wapis nai aa sakta.

In sb cheezo k sath sath aaj mei tanhaa kitna hu, ek itni achi bv merai sath hai laiken hm dono is mulk mei sb se door bus akeelai hi hain, zindagi ki masroofiyat ne waqat k guzarne ka ihsaas khatam kr dya hai warna itni tanhai or khamooshi mei insaan pagal hi ho jai.

Ye to thi guzrai howe dino ki batain, aab jb soraj gharoob ho chuka hai. Merai sath kaam krnai wale dost apne apne computers band kar rahe hain or ghar ja rahe hain to mujhai bhi ye ihsaas ho raha hai k abhi to sirf ye shaam guzri hai, abhi thori muhlat baaki hai, us muhlat mei agar mei aaj apne aap pe nazar dalo or dekho k Allah ne mujhai kaha se kaha pohancha dya hai to koi shak nai k jism ka rowa roowa shukar krnai pe majboor ho jai ga.

Alhamdolillah aaj allah ne mujhai itni achi nokari di hai, itni acha karoobaar set kr k dya hai, or itni achi family di hai. Itni achi biwi di hai , or itna acha rishta banaya hai k hm dono ki zindagi pori tarah se hm ahang hai. Allah ka shukar hai k us ne mujhai aisa banaya k mei apne waladain se door to ho laiken phr bhi un ki zaroryat ka khyaal rakh sakoo. Na k un logo mei se jo log apne waldain k paise pe aish krte hain.

 

Comments are closed.

Related Posts

There is no related post.