Steps towards devilship (Urdu) – برائ کی راھ

December 02, 2012  |   Blog   |     |   Comments Off on Steps towards devilship (Urdu) – برائ کی راھ

Aj , raat ko mei behri jahaz mei safar kr raha tha or hasb e mamool jahaz mei gane bajane ka mukamal intezaam tha. Yehi nahi saari raat raqas jaari raha, afsoos keh mein bhi in sb harkaat ka hisah raha laiken us doraan merai neem murdah zameer ne aksar dastak di or mei chand aham batain sochne pe majboor ho gya

Sab se pehlai to ye khyaal aaya keh is waqat ham samandar k darmiyaan be yaar o madadgaar ek samandri jahaaz mein hain or sirf or sirf apni tabyat khoosh krne ke lye Allah ki itni naafarmaani kr rahe hain, or wo zaat kitni raheem hai keh wo hamain phr bhi muhlat de rahi warna us ke ikhtyaar mei ye cheez hai k wo paani ko hukam kare ya hawa ko hukam kare to hamara naam o nishaan bhi khatam ho jai is safahe hasti se.

Is keh baad mujhai ye khyaal aaya keh aakhir hamare mazhab mei gane bajane se kio roka jaata hai jb keh yaha europe mei to gano se hi zindagi shoro hoti hai or unhi pe khatam hoti hai

Club keh mushahede se mei is nateejai pe pohancha keh shaid ye ghalat raste pe chalnai ki pehli seerhi hai

In loogo ki tahzeeb se merai samne yehi aata hai k sab se pehlai yeh log khoob gane sunte hain hata keh zabaani hifz ho jain, phr gaano pe raks karte hain or sath mei sharaab maza dobalah kr deti hai. Phr jb behad sharab pi li or apne aape se bahir ho gai to zinah ka moqah khud ba khud mil jaata ha.

Shaid yehi wajah hai k jis kaam ko gunah e kabeera ka naam dya hai, us ki taraf jane wale raste ko band krne keh lye hamain hamare deen me gane bajane or sunane se mana kya hai

Ye to mera zaati ek nuqta e nazar tha, is ke ilawa sciency lihaaz se mera khyaal hai keh insaan ki mukhtalif frequencies hoti hain or jitnai wo naik kaam krta hai utni zada us ki frequency naik logo wali or Allah ke dostoo waali ho jaati hai. Laiken gane sunane se us ki ye  frequencies bigar jaati hain or shaitaani kaamo ki taraf mazeed uksaati hain

Allah mujai or app ko hidayat de , seedhi raah pe chalai or haq baat ko sochne samajhne ki taufeeq aata farmai. Ameen

Comments are closed.

Related Posts

There is no related post.